![](https://blogger.googleusercontent.com/img/b/R29vZ2xl/AVvXsEiYZADraRrhgUxGBGGFvnr650aRremBnhgI77BUv7GE6LO7Qc7zaC8K1klX6De6wUGBMUwDnluUQZfMgJbiIKCPliCr9dIvA1kX5IlA94A4WQGnmG7w-r-CsCx-VAyVgUxquMV2sxFcgWU/s320/SM+WALTER.jpg)
Kami ay nagtungo sa Walter Mart at SM City Calamba upang obserbahan ang kultura ng dalawang lugar - anong uri/klase ng mga tao ang karaniwang pumupunta, mga aktibidad na kanilang pinagkakaabalahan, at mga uri ng establesimiento.
Sa Walter Mart, kapansin-pansin na mas maliit ito kumpara sa SM. At di hamak na mas mura ang mga bilihin dito. Hindi rin gaanong karami ang mga taong namamasyal at namimili. Ang mga tindahan din ay karaniwang outlet stores or di kaya'y cash remittance centers. Naaayon sa masa ang mga bilihin dahil sa abot kayang presyo, di man sikat o kilala ang mga tatak nito. Maliban dito, may mga establesimiento rin na nagbebenta ng mas mga mura. Isa dito ay ang Expressions, na maihahalintulad sa National Bookstore ng SM.
May Bingo rin sa loob kung saan nagtipon-tipon ang mga tao. Ito ang isa sa mga aktibidad na pinagkakaabalahan ng mga tao doon maliban sa pagkain o pag window shopping. Kung susuriin ang mga tao sa Walter Mart, masasabi ko na nasa middle class o mas mababa pang antas sa lipunan ang namamasyal. Wala halos namimili. Malamang nag wi-window shopping lamang ang karamihan.
Sa SM naman, nagkataon na may pageant na nagaganap kaya siksikan ang mga tao. Halos lahat ng namamasyal ay nasa antas ng middle class. Sa kabilang banda, may mga grupo din naman ng mga jejemon sa tumatambay sa loob ng mall. Halos lahat ng klase ng tao ay nasa SM. Sa aking nakita, halos pamilya ang karaniwang magkakasama. Ang mga tindahan na naroon ay mga kilala (branded) at may kamahalan sa presyo. May mga parlor, nail spa, derma clinic, at massage salon rin sa naturang mall. At kung titingnan, mas malaki ang espasyo ng bawat tindahan pati na rin ang foodcourt. Sa pagkaka ayos ng mga establesimiento, kapansin-pansin na naka-grupo ang mga ito. May isang pasilyo na lahat ay gadgets lamang, sa third floor ay puro services, sa second floor naman ay tindahan ng mg adamit at sapatos. Lahat ay nasa ayos.
Kung ikukumpara sa ibang bansa, kapansin-pansin na tayong mga Pilipino ay madalas mahilig pumasyal sa mga mall. Mayaman man o mahirap, bata o matanda, hindi maikakaila na tayong lahat ay mahilig maglibang, mamili, o kahit tumambay sa mga mall. Sa aking pananaw, nakalakip na ito sa ating kultura; tayong mga Pilipino ay sadyang mahilig maglibang, at ang malling ay isa sa ating mga paraan. Ang mga ganitong klase rin ng establesimiento ay nagiging venue rin upang makipag socialize kasama ang ating mga pamilya o kaibigan.
No comments:
Post a Comment